Sicrhewch eich bod yn manteisio'n llawn ar Ffitrwydd Actif eleni. Gyda thair campfa sydd newydd gael eu hadnewyddu ac amrywiaeth o dros 80 o Ddosbarthiadau Ffitrwydd ar hyd a lled y sir, a chyda dosbarthiadau newydd yn cael eu hychwanegu ar gyfer y Flwyddyn Newydd, mae dewis helaeth ar eich cyfer yn 2017.

YN NEWYDD i Ffitrwydd Actif yn 2017

Canolfan Hamdden Caerfyrddin, Gwersi Boxfit Newydd ar nos Iau am 7pm. Dosbarth yw 'Boxfit' sy'n cyfuno bocsio ac ymarfer corff mewn gweithgaredd hwyliog, sy'n cael gwared ar straen. 'Boxfit' yw un o'r mathau mwyaf effeithiol o draws-ymarfer sydd ar gael heddiw gan ei fod yn cyfuno ymarferion erobig ac anerobig i greu sesiwn ymarfer egnïol ac amrywiol. Bydd y sesiwn hon yn targedu ac yn gwella pethau megis cydsymud, cydbwysedd, cryfder a gwytnwch. Wrth weithio'n galed yn y sesiwn hon rydych yn sicr o gael hwyl a chael blas arni, ac mae'n addas i grŵp o bobl cymysg eu gallu.

DOSBARTH FFITRWYDD CANOLFAN HAMDDEN CAERFYRDDIN

Canolfan Hamdden Llanelli - amrywiaeth o ddosbarthiadau newydd, gan gynnwys;

Kettlercise Combat Max
Cyfuniad cyffrous o bwysau tegell a chrefft ymladd cymysg (MMA). Mae'n darparu sesiwn ymarfer cardio uchel ar gyfer y corff cyfan, gyda phwyslais ar gryfder craidd a llosgi braster. Delfrydol i'r rheiny sydd yng “Ngrŵp Siâp” LF connect

Her Driphlyg
Pwy ddywedodd fod ymarfer corff yn ddiflas? Mae'r sesiwn ymarfer hon ar gyfer y corff yn cynnwys 15 munud o amrywiadau aerobig: Stepio, Dawns, Cardio dwysedd uchel. Delfrydol i'r rheiny sydd yng “Ngrŵp Symud” LF connect

Gwella Ffurf y Corff
Dosbarth effeithiol iawn ac egnïol dros ben sy'n defnyddio peli ymarfer, pwysau llaw a phwysau eich corff fel gwrthiant. Teimlwch yn fwy ffit ac egnïol yn 2017. Delfrydol i'r rheiny sydd yng “Ngrŵp Her” LF connect

DOSBARTH FFITRWYDD CANOLFAN HAMDDEN LLANELLI

Mae Canolfan Hamdden Rhydaman hefyd wedi cyflwyno dau ddosbarth newydd y Flwyddyn Newydd hon.

Barbell Sculpt
Bydd y dosbarth hwn yn tynhau, yn ffyrfhau ac yn cryfhau eich corff i gyd, yn gyflym! Mae’r dosbarth hwn yn her i’ch holl brif grwpiau o gyhyrau tra byddwch yn cyrcydu, gwthio, codi a chyrlio.

Ioga-lates
Cyfle i wella ystwythder a chryfder drwy gyfuniad o symudiadau sydd wedi’u hysbrydoli gan ioga a Pilates. Addas ar gyfer pob gallu a lefel ffitrwydd.

DOSBARTH FFITRWYDD CANOLDFAN HAMDDEN DYFFRYN AMAN

Peidiwch ag anghofio bod gennym ni ddewis o Ddosbarthiadau Ffitrwydd yng Nghanolfannau Hamdden Castellnewydd Emlyn a Sanclêr hefyd.

Os ydych am wybod rhagor am Ffitrwydd Actif cliciwch yma.

Fel aelod gwerthfawr o gyfleusterau hamdden Sir Gaerfyrddin, oeddech chi'n gwybod bod modd i chi hefyd archebu Ar-lein.

Bellach gallwch archebu a thalu am y canlynol:

• Badminton
• Sboncen
• Tennis Bwrdd
• Tennis
• Dosbarthiadau Iechyd a Ffitrwydd

Sut i archebu ar-lein, dilynwch y 5 cam syml hyn:

Cam 1) Ewch i'n gwefan;http://www.actifsirgar.co.uk/cy/hafan  

Cam 2) Cliciwch ar y botwm Archebion Yma

Cam 3) Mewngofnodwch gan ddefnyddio eich Cyfeirnod Aelodaeth a'ch Rhif Pin.

Cam 4) Dewiswch y safle a ffefrir gennych

Cam 5) Dewiswch y dosbarth yr ydych yn dymuno archebu ar ei gyfer.

Oeddech chi'n gwybod? Gall aelodau archebu hyd at 14 diwrnod o flaen llaw.

Mae adroddiad 'Turning the Curve on Childhood Obesity', a ysgrifennwyd gan y Grŵp Llywio Atal Gordewdra Plant, yn edrych ar nifer o weithredoedd allweddol y gellid eu cymryd i fynd i'r afael â'r cynnydd presennol mewn gordewdra plant. A wyddech chi mai Cymru sydd â'r lefelau uchaf o ordewdra plant yn y DU, gyda 34% o blant yn cael eu hystyried dros bwysau neu'n ordew ar hyn o bryd, gan gynnwys 19% yn ordew¹.  Mae'r dystiolaeth hon yn syfrdanol, ond mae modd ei atal. Yn ôl yr adroddiad, un o'r newidiadau y gellir ei wneud er mwyn lleihau'r cynnydd mewn gordewdra plant yw annog mwy o blant i gymryd rhan mewn chwaraeon, ac i wirioni ar chwaraeon.

Felly sut mae Acwa Actif yn helpu ein cenhedlaeth iau i ddod yn fwy egnïol yn amlach?

Yma yn Actif, rydym wedi cyflwyno rhaglen weithgareddau dŵr lefel mynediad newydd o'r enw Sblash, sydd yn agored i blant o 3 mis oed hyd at oedolion. Un o brif nodau Acwa Actif yw sicrhau bod pob plentyn yn gallu nofio erbyn iddynt gyrraedd 11 oed.

Mae ein rhaglen Sblash yn fan cychwyn i bob plentyn sydd am ddechrau ar ei daith weithgareddau dŵr gyda ni yma yn Actif. Mae'n addas i bob plentyn o 3 mis oed a hŷn. Mae athro wrth ymyl y pwll yn y sesiynau yma, a fydd yn helpu i annog a llywio eich plentyn yn ddiogel drwy'r dŵr. Cynigir un sesiwn yr wythnos sy’n helpu i greu arferiad oes i deuluoedd. Manteisiwch ar y cynnig hwn i blant Nofio am Ddim ar benwythnosau.

I gael rhagor o wybodaeth ynghylch yr hyn sydd gan Acwa Actif i'w gynnig cliciwch yma.

¹Ymchwil Cymdeithasol Llywodraeth Cymru (2013) Arolwg Iechyd Cymru, 2012. Ar gael ar-lein yn http://gov.wales/statistics-and-research/?skip=1&lang=cy