Dyma'r enwau o'r chwith i'r dde: Mark Davies, Kathryn Sweetman, Richard Selwood, James Oulsnam, Jon Folkes, Lee Summers, Jonathan Summers, Dayton Hughes a Josh Chapman (yr aelod o staff sydd yng ngofal y sesiwn FAST).

Llongyfarchiadau mawr i'r nofwyr FAST (llun uchod) o Ganolfan Hamdden Rhydaman a lwyddodd i gwblhau Triathlon Byr Dyffryn Aman ym mis Ebrill ac sydd wedi cystadlu mewn nifer o gystadlaethau ers hynny.

Drwy'r sesiynau FAST mae'r aelodau hyn wedi ymdrechu i wella'u sgiliau nofio;

• Dechreuodd James yn y gwersi nofio sydd gennym i oedolion cyn mynd yn ei flaen i sesiynau FAST, ac mae'n aelod selog ohonyn nhw erbyn hyn.
• Roedd Jon, Richard a Simon ond yn gallu nofio 25 metr cyn cael seibiant pan wnaethon nhw ddechrau'r sesiynau ym mis Tachwedd; maen nhw hefyd yn mynychu'r sesiynau yn rheolaidd erbyn hyn.

Mae sesiynau FAST yn ddelfrydol ar gyfer y rheiny sy'n ymarfer ar gyfer cystadlaethau Meistri a triathlon a digwyddiadau Ironman. Mae'r sesiynau'n rhoi cymorth ac arweiniad i nofwyr gyda'r nod o wella'u sgiliau a'u technegau nofio er mwyn iddyn nhw berfformio hyd eithaf eu gallu yn y cystadlaethau.

Mae'r modd mae'r nofwyr hyn wedi gwella eu sgiliau nofio wedi bod yn rhyfeddol.

Mae'r grŵp cyfan wedi llwyddo hefyd i gystadlu mewn cystadleuaeth nofio elusennol mewn dŵr agored yn Noc y Gogledd ar ddechrau mis Mai, gan nofio cyfanswm o 1,500 o fetrau. Gwnaethon nhw gystadlu yn Triathlon Llanelli hefyd ac maen nhw eisoes yn chwilio am yr her nesaf. Da iawn wir bob un ohonoch!

A ydyn nhw wedi'ch ysbrydoli?

Os ydych yn dymuno gwella'ch sgiliau nofio, gallai'r sesiynau FAST fod ar eich cyfer chi. Cynhelir y sesiynau ym mhedwar o'n pyllau nofio: Canolfannau Hamdden Caerfyrddin, Llanelli a Rhydaman a Phwll Nofio Llanymddyfri.

Hefyd, gellir ychwanegu aelodaeth FAST at eich aelodaeth bresennol.

Os nad ydych yn aelod gallwch fynychu drwy dalu fesul sesiwn am &5.50 y sesiwn.

I gael rhagor o fanylion am amserau'r sesiynau hyn cliciwch fan hyn

Eisiau bod yn aelod? Cliciwch fan hyn i gael rhagor o wybodaeth am y dewisiadau aelodaeth

Rydym yn chwilio am Seren Chwaraeon y Flwyddyn Sir Gaerfyrddin.

Rydym yn falch o noddi categori Seren Chwaraeon y Flwyddyn yng Ngwobrau Arwyr Lleol Radio Sir Gâr eleni.

Ydych chi'n adnabod unigolyn sydd wedi rhagori yn ei gamp ar lefel ysgol, leol, genedlaethol neu ryngwladol? Os ydych, cofiwch ei enwebu a, phwy a ŵyr, efallai bydd yn ennill y wobr yn y seremoni wobrwyo fawreddog ym mis Gorffennaf.

Gallwch enwebu ar-lein drwy glicio yma. 

I gael rhagor o wybodaeth am y gwobrau edrychwch ar y wefan www.radiocarmarthenshire.com

Fydd dim angen i chi fethu dosbarth chwilbedlo eto oherwydd mae ein dosbarth chwilbedlo rhithwir yn eich galluogi i hyfforddi pan fydd yn gyfleus i chi.*

Does dim amserlen ar gyfer dosbarthiadau rhithwir sy'n golygu y gallwch ddod unrhyw bryd a chymryd rhan**

Mae'r dosbarthiadau yn para naill ai 35 munud neu 55 munud.  Mae’r dosbarthiadau yn dechrau ar yr awr.

Ydych chi'n poeni na fyddwch yn gwneud ymdrech go iawn? Peidiwch â phoeni, cewch eich tywys drwy'r ymarfer cyfan, gan brofi amrywiaeth o wahanol diroedd beicio a thirweddau trawiadol o amgylch y byd.  Beth bynnag yw eich ffitrwydd, bydd y troslais yn eich herio i ddal ati i bedlo gan roi hwb i'ch ffitrwydd cardiofasgwlaidd.

Mae'r dosbarth chwilbedlo rhithwir hefyd yn wych i'r rhai nad ydynt yn ddigon hyderus o bosib i fynd i ddosbarth chwilbedlo dan arweiniad hyfforddwr.

Manteision di-rif chwilbedlo:

• Llosgi calorïau a llawer ohonynt!
• Gwella eich ffitrwydd cardiofasgwlaidd ar gyfer calon iach
• Beicio yn ôl eich cyflymder eich hun
• Tynhau'r cyhyrau
• Cryfhau eich craidd
• Ymarfer ysgafn

Sut i archebu dosbarth chwilbedlo rhithwir?

Cysylltwch â Chanolfan Hamdden Caerfyrddin drwy ffonio 01267 224700, neu fel arall, gallwch archebu ar ôl cyrraedd.

Mae dosbarthiadau chwilbedlo rhithwir yn dechrau ar yr awr yn ystod oriau agor y ganolfan ond nodwch nad ydynt ar gael yn ystod dosbarthiadau chwilbedlo dan arweiniad hyfforddwr: ar ddydd Llun, dydd Mercher a dydd Gwener am 7am ac ar ddydd Llun, dydd Mawrth a dydd Iau am 5.30pm.

Prisiau

Os ydych yn aelod a bod gennych fynediad i ddosbarthiadau ffitrwydd mae'r dosbarthiadau chwilbedlo rhithwir yn rhan o'ch aelodaeth.

Os nad ydych yn aelod gallwch dalu &5.50 fesul sesiwn neu ddod yn aelod drwy glicio yma

* dim ond ar gael yng Nghanolfan Hamdden Caerfyrddin

Bwriad y sesiynau Amser Stori Actif yw cymell plant 2-6 mlwydd oed i fod yn egnïol gan gynyddu eu sgiliau sylfaenol (ystwythder, cydbwysedd a chydsymudiad), a hynny’n ifanc iawn, drwy adrodd stori.

Mae’n ymwneud â chyflwyno straeon mewn modd bywiog drwy weithgareddau hwyl a gemau.

Mae’r sesiynau hyn yn rhoi cyfle i’r rhieni / gwarcheidwaid a’u plant ddysgu a chael hwyl gyda’i gilydd!

Pam y mae hyn yn bwysig?

Mae’n rhoi cyfle i blant ennill hyder a chael eu cymell yn ifanc iawn i gymryd rhan mewn gweithgarwch corfforol.

Hefyd mae’n gyfle i blant ddysgu a meistroli’r sgiliau sylfaenol sydd eu hangen arnynt i gymryd rhan mewn chwaraeon. Yn ogystal gall y sesiynau hyn helpu i ddatblygu sgiliau cymdeithasol, sgiliau datrys problemau, sgiliau iaith, llythrennedd a rhifedd, ynghyd â’r gallu i fod yn rhan o dîm.

Sut y gallwch chi gymryd rhan?

Mae sesiynau’n cael eu cynnal yn eich canolfannau hamdden lleol, eich llyfrgelloedd ac yn eich canolfannau teulu. 

• Canolfan Hamdden Caerfyrddin – bob dydd Llun (yn ystod y tymor), 10.30am – 11.15am yn y llecyn chwarae meddal. Sesiwn am ddim.
• Mae llyfrgelloedd Sir Gaerfyrddin yn rhedeg sesiynau wythnosol – dilynwch nhw are facebook I gadw llygad allan am y sesiynau.

Gallwch hefyd alw draw yn eich llyfrgell leol i gael benthyg pecyn rhianta sy’n cynnwys llyfr a bag o offer er mwyn annog eich plentyn i fod yn egnïol yn y cartref a’r tu hwnt.

I gael rhagor o wybodaeth e-bostiwch hamdden@sirgar.gov.uk

Gallwch hefyd ein  dilyn ni ar Facebook a Twitter.