Mae'r gwersi Sblash a gyflwynwyd yn ddiweddar ar gyfer plant dan 4 oed wedi bod yn boblogaidd iawn ymhlith rhieni a phlant bach.  Mae'r gwersi ychwanegol yn cysylltu'n uniongyrchol â'r rhaglen Dysgu Nofio gan drosglwyddo o Grŵp Sblash: sesiynau rhieni a babanod ac yn y diwedd i'r gweithgareddau dŵr megis polo dŵr ac achubwyr bywydau Rookies.

Pan ofynnwyd iddi a oedd hi wedi gweld gwelliant yn ei merch Mia (4 oed), dywedodd Mrs Jenkins: "Mae Mia yn dwlu ar y gwersi, ac mae ei hyder wedi cynyddu'n sylweddol".  Yr unig beth yr oedd Mrs Jenkins yn ei ddifaru yw nad oedd Mia wedi cael gwersi pan oedd yn fach iawn, ond yn sgil gweld manteision y gwersi mae wedi trefnu i Ella, chwaer Mia, ddechrau cael gwersi Sblash a hithau'n 2 oed.

Nod ein rhaglen Sblash NEWYDD yn Sir Gaerfyrddin yw cynyddu hyder plant yn y dŵr mewn amgylchedd diogel a llawn hwyl.  Mae ein gwersi Sblash yn addas ar gyfer plant rhwng 0 a 4 oed. Mae athro cymorth/athrawes gymorth yn y dŵr fel rhan o wersi Sblash 1-5 a fydd yn helpu i annog a llywio eich plentyn yn ddiogel drwy'r dŵr. Rydym yn gofyn i rieni plant bach iawn ymuno â nhw yn y dŵr er mwyn iddynt gymryd rhan lawn yn natblygiad eu plant a datblygu sgiliau dŵr eu plant ymhellach y tu allan i'r gwersi hyn.  Mae bathodynnau a gwobrau ar gael i'ch helpu i nodi cynnydd eich plentyn drwy'r rhaglen. Mae sesiynau Sblash ar gael yn Rhydaman, Caerfyrddin a Llanelli. Cliciwch ar y lleoliad i gael gwybod pryd y bydd y sesiynau Sblash nesaf yn cael eu cynnal yn eich ardal chi.

Mae loceri newydd yn cael eu gosod ar dri safle ym mis Tachwedd ac wedyn yng Nghanolfan Hamdden Dyffryn Aman yn fuan ar ôl hynny.

Y tri safle yw: Canolfan Hamdden Caerfyrddin, Canolfan Hamdden Llanelli a Chanolfan Hamdden Castellnewydd Emlyn.

Bydd y prosiect hwn yn cynnwys gosod loceri newydd sbon a fydd yn gysylltiedig â'r gwaith i adnewyddu'r ystafelloedd ffitrwydd ac yn cyflwyno cloeon RFID electronig a fydd yn gweithio gyda'r bandiau garddwrn clyfar y bydd cwsmeriaid yn eu defnyddio. Dyma ffordd ddiogel i gwsmeriaid gadw eu heiddo heb orfod poeni am allwedd!

Bydd gweddill y gwaith yn cynnwys atgyweirio'r loceri presennol yn llawn ym Mhwll Nofio Llanymddyfri ynghyd â darparu cloeon dychwelyd arian, allweddi a bandiau garddwrn newydd i'w defnyddio â'r darn arian &1 newydd a gyflwynir yn 2017.

Os nad ydych wedi rhoi cynnig ar brofiad chwyldroadol Synrgy eto yng Nghanolfan Hamdden Caerfyrddin ewch ati ar unwaith i wneud hynny gan fod 15 dosbarth ar gael fel rhan o'r aelodaethau craidd, am hyn a hyn o amser yn unig.

Mae'r cyfarpar blaengar hwn yn cynnig hyfforddiant di-derfyn, ac mae'r dosbarthiadau a gynhelir drwy'r dydd yn cael eu darparu gan dimau ffitrwydd Chwaraeon a Hamdden Actif. Mae offer 'lle chwarae' SYNRGY360 yn fwy na dim ond ymarfer corff .Mae'r syniad chwyldroadol hwn yn cynnig cyfleoedd dirifedi i ymarfer yn glyfrach, yn well ac yn fwy effeithiol. 

Cymerwch olwg ar ein fideo SYNRGY360 am ragor o wybodaeth.